Sunday, May 18, 2014

കുഞ്ഞനിയന്‍

ഇന്ന് ഞങ്ങൾ ബാവ എന്ന് വിളിക്കുന്ന എൻറെ കുഞ്ഞനിയന്റെAdheesh Damodaran ഹാപ്പി ഹാപ്പി ബർത്ത്ഡേ ആണ്.. 

അവനു വേണ്ടി ഈ വരികൾ ഞാൻ ഒരിക്കൽക്കൂടി ഇവിടെ കുത്തിക്കുറിക്കട്ടെ .. ഹാപ്പി ബർത്ത്ഡേ ബ്രോ .. 
---------------------

കുഞ്ഞനിയന്‍
________________

അമ്മതന്‍ വയറില്‍
കുഞ്ഞിക്കാലനങ്ങുമ്പോള്‍,
ഇതെന്‍ പെങ്ങളെന്നു പറഞ്ഞു
തൊട്ടുംത്തലോടി ഞാന്‍,

ആങ്ങളമാര്‍ക്ക്
കുഞ്ഞുടുപ്പിടീക്കാനും,
കണ്ണെഴുതി പൊട്ടുതൊടീക്കാനും ,
ഒരു കുഞ്ഞുപ്പെങ്ങള്‍ക്കായ്
മിഴിയോര്‍ത്തിരുന്നു
അന്നു ഞാന്‍

അനിയനവന്‍ പിറന്നപ്പോള്‍,
പെങ്ങളല്ലെന്നറിഞ്ഞപ്പോള്‍,
ഉള്ളൊന്നുപ്പിടഞ്ഞിരുന്നു,
ഇടനെഞ്ചൊന്നുടഞ്ഞിരുന്നു

എങ്കിലും, പൊന്നോമനയാ-
മവന്‍, ഒരു പാല്‍പ്പുഞ്ചിരിയാല്‍,
എന്നുള്ളം കവര്‍ന്നെടുത്തു,
എന്നുടുപ്പും കുതിര്‍ത്തു തന്നു

കുഞ്ഞനിയനവന്‍,
പണ്ടെന്‍ തോളിലേറി
അമ്പിളിമാമനെ പിടിച്ചിരുന്നവന്‍,
എന്നോളം വളര്‍ന്നല്ലോ
ഇന്നവന്‍,

എങ്കിലും, ഇന്നുമ-
വനെന്‍ കുഞ്ഞനിയന്‍,
കുഞ്ഞിക്കാലനക്കം കണ്ട്
പെങ്ങളെന്ന് ഞാന്‍ വിളിച്ച,
കണ്ണിലെ കൃഷ്ണമാണിയാ-
മെന്‍ പൊന്നനിയന്‍
______________________________
ഗഗനചാരി

1 comment: