Sunday, May 18, 2014

എന്‍റെ ഹൃദയത്തിന്‍റെ ഉടമ

എടീ ..
ഉം ..

എട്യേ .. 
ഊം .. ന്തേ ..

അല്ല .. നീ എപ്പോഴേലും ചിന്തിച്ചിട്ടുണ്ടോ...
എന്ത്...

അല്ല നീ എപ്പോഴേലും വിചാരിച്ചിട്ടുണ്ടോ ... നീ എങ്ങനെ ഇവിടെ വന്നു ജനിച്ചു എന്ന് ..
എന്ന്വെച്ചാ ...

എന്ന്വേച്ചാ കുന്തം .. എടീ .. നിനക്ക് വേണേല്‍ ഈ ലോകത്ത് എവിടെ വേണേലും ജനിക്ക്യാരുന്നു ... വല്ല അമേരിക്ക്യെലോ ആഫ്രിക്കേലോ ജനിക്കായിരുന്നു .. അല്ലെ ...
അതെങ്ങനെ .. ഞാനൊരു മലയാളിയല്ലേ .. അപ്പൊ ഞാന്‍ ഇവിട്യല്ലേ ജനിക്ക്യാ ...

അതല്ലെടി മുത്തേ ... ഞാന്‍ പറയുന്നത് ഒരു തത്വാണ് ...
തത്വോ .. അതെന്തോന്ന് ..

എടീ ... നീയൊന്നാലോചിച്ച് നോക്ക് ... ഒരാള്‍ ജനിക്കുമ്പോള്‍ തന്നെ അയാള്‍ക്ക് ദൈവം ഒരു ഹൃദയം കൊടുക്കും ... ആ ഹൃദയം കൊണ്ട് ഒരാളെ മാത്രേ തീവ്രമായി പ്രണയിക്കാന്‍ പറ്റൂ ... എനിക്ക് വേണ്ടിയുള്ള ആ ഹൃദയം ദൈവം നിന്‍റെയുള്ളിലാ വെച്ചിരിക്കുന്നത് ..

ങ്ങേ.. അതിന് നിങ്ങടെ തത്വത്തില്‍ ദൈവം ഇല്ലാന്നല്ലേ പറഞ്ഞത് ....

ഹോ .. എന്നാ ദൈവം വേണ്ട .. ഒരു പ്രപഞ്ചശക്തി ഉണ്ടെന്ന് വിചാരിക്ക്...
ഉം .. വിചാരിച്ചു .. അതിന് ..

അതിനൊന്നൂല്ല... അതൊരു പ്രത്യേക ഫീലിംഗാ മോളെ .. നമ്മളെ മാത്രം ജീവനെ പോലെ സ്നേഹിക്കുന്ന ഒരാളെ നമുക്ക് വേണ്ടി സൃഷ്ടിച്ചു വിടുക .. എന്നിട്ട് അവരെ കണ്ടുമുട്ടുക ... ജീവിതകാലം മുഴുവന്‍ പ്രണയിക്കുക... എത്ര പേര്‍ക്ക് ഇങ്ങന്യോരാളെ കണ്ടുമുട്ടാന്‍ പറ്റും... നീയാലോചിച്ചിട്ടുണ്ടോ ...

ഉം .. അത് ശര്യാണല്ലോ ... അപ്പൊ ദൈവം എനിക്ക് വേണ്ടി പടച്ചുവിട്ടത്
നിങ്ങളെയായിരിക്ക്യും ല്ലേ ..

അതെന്താടീ .. നിനക്കൊരു സംശ്യം പോലെ ..
ഏയ്‌ .. ഒന്നൂല്ല .. നിങ്ങളെ തന്ന്യാ .. അതെനിക്കൊറപ്പാ ...

അതെങ്ങനെ മനസ്സിലായി ... പറ .. ഒന്ന് കേക്കട്ടെ ..
മനസ്സിലാക്കാന്‍ ഒന്നൂല്ല .. അതാണ്‌ തത്വം... അത്രേയുള്ളൂ ... ഹോ .. സത്യം.. വല്ലാത്തൊരു ഫീലിംഗ് തന്ന്യായിത് ...

♥ ♥ ♥

No comments:

Post a Comment